भरम

मन मा भरम  उपजी गो कतुक रावण छन यो जग मे,

हर साल  एक   फ़ूक्नू  , फिर उपजी  जान्छ  अघण ,

डाड्यू मा कानन  मा , तली मली छानन  मा ,

भिड  मा गाडन  मा अन्यार उड्यारन मा  ,

बाट  कुबाट  हर जाग एक रावण छ 

पोर साल परार साल , फ़ूकनू हर साल,

नांनछना, फिर  जवान हेभे , अब तू  बुडी गया,

आपुणो  फुकन आयो, रावण न फूकी  सक्या,

इतुक बरस हेगे, खल्ली लागी भया ,

सामुणि नि भे यो, मन मा लुकी भयो,

जब तक भ्यार नि आयो, कसी फुकी जाछी ,

मन को भरम कूछा मन मा रैइ गयो